Pages

ကျေးလက်သားလေး ဘလော့ဂ်ကို ရေးရတဲ့အကြောင်းအရင်းကတော့ ကျေးလက်ရဲ့ ဓလေ့ ၊ သဘာဝ အလှအပများကို သိစေချင်သော ရည်ရွယ်ချက်ဖြင့် မှတ်တမ်းတင် ရေးသားခြင်းဖြစ်ပါသည်။ ကျွန်တော့်ရဲ့ ဘလော့ဂ် ကို အလည်လာရောက်တဲ့ သူငယ်ချင်း မိတ်ဆွေ အားလုံးကို အထူးပင်ကျေးဇူးတင်ရှိပါသည်။

Thursday, April 14, 2011

သူငယ်ချင်း


ရာသီတွေပြောင်း နှစ်တွေဟောင်းလဲ
မပြောင်းအစဉ် သံယောဇဉ်နှင့်
ခင်မင်ခဲ့ရ ဒီဘ၀မှာ
အဆုံးဘယ်မှာ ရှိအံ့နည်း...။

မကောင်းအတူ ကောင်းအတူနဲ့
ဖြတ်သန်းခဲ့တဲ့ လမ်းတစ်ကွေ့ဝယ်
ဆူးခင်းလမ်းလည်း ရှိခဲ့ပြီ
ပန်းမွေ့ယာလည်း ရှိခဲ့ပြီ...။

ဘ၀တစ်ကွေ့ ကြုံဆုံတွေ့တဲ့
လောကဓံလှိုင်း မုန်တိုင်းရိုင်းလည်း
နှစ်ယောက်အတူ လက်ကိုကူလို့
ရဲရဲရင့်ရင့် ဖြတ်ခဲ့ပြီ...။

ရေမှာအနေကြာ ဗေဒါလေးဘ၀
ပန်းလေးတွေလည်း ပွင့်ဖူးခဲ့ပြီ
မုန်တိုင်းလာလည်း လွင့်ဖူးခဲ့ပြီ
သူ့ဘ၀၊ သူ့အလှ ၊သူ့မာန် အပြည့်နဲ့
ကြံ့ကြံ့ခံရင်း မျောလေပြီ...။

ကမ္ဘာမြေက ငါတို့ဘ၀
လေပြေနုလည်း ကြုံဖူးခဲ့ပြီ
မုန်တိုင်းကြမ်းလည်း ကြုံဖူးခဲ့ပြီ
တို့ဘ၀၊ တို့အလှ၊ တို့မာန် အပြည့်နဲ့
ကြံ့ကြံ့ခံရင်း ဖြတ်ခဲ့ပြီ...။

လေပြေညှင်းညှင်း မုန်တိုင်းသွင်းလည်း
နောက်ကိုမဆင်း ရှေ့ကိုတိုးရင်း
ရဲရဲချီတက် လက်ကိုဆုပ်လျက်
အားမာန်အပြည့်နှင့် ချီလေပြီ...။

ရာဇာ(ကျေးလက်သားလေး)
15.4.2011

4 comments:

Angelhlaing(May everybody be happy and healthy! said...

ခွန်းအားဖြစ်စေတဲ့ ကဗျာလေးမို့ ကျေးဇူးပါအကို။
ခံစားအားပေးလျှက် ။ မင်္ဂလာရှီသောနှစ်သစ်လေး ဖြစ်ပါစေ။
ဗွမ်းးးးးးး:):):)ရေလောင်းခဲ့တယ် ဖလားကြိးနဲ့ :D:D

Unknown said...

အကိုရေ ကဗျာလေးကို ဖက်သွားပါတယ်။ အရမ်းလဲလွမ်းနေမိတယ် ကျတော် ရဲ့ စိုးစိုးလေးကိုလေ။ သူကတော့ လွမ်းလား မလွမ်းလား မသိဘူးဗျ။
ကိုရာဇာ ထာဝရ ပျော်ရွှင်နိုင်ပါစေ။။။

ခနွဲ said...

လာဖတ်သွားတယ်ခင်ဗျ။ အတက်နေ့မှာ ပျော်ရွှင်ပါစေ။

yar zar said...

အိန်ဂျယ်...အိန်ဂျယ်အတွက် ခွန်အားဖြစ်စေတယ် ဆိုလို့ ကျေးဇူးနော်..
ကို.... ကိုရေ ကိုလွမ်းနေသလို ကိုရဲ့ ကောင်မလေး စိုးစိုး လည်း လွမ်း
နေမှာပါ...။
နယ်သားလေး ခနွဲ... လာရောက်လည်ပတ်တဲ့အတွက် ကျေးဇူးဗျာ..

အားလုံးကို ကျေးဇူးအထူးတင်ပါတယ်...

Post a Comment