Pages

ကျေးလက်သားလေး ဘလော့ဂ်ကို ရေးရတဲ့အကြောင်းအရင်းကတော့ ကျေးလက်ရဲ့ ဓလေ့ ၊ သဘာဝ အလှအပများကို သိစေချင်သော ရည်ရွယ်ချက်ဖြင့် မှတ်တမ်းတင် ရေးသားခြင်းဖြစ်ပါသည်။ ကျွန်တော့်ရဲ့ ဘလော့ဂ် ကို အလည်လာရောက်တဲ့ သူငယ်ချင်း မိတ်ဆွေ အားလုံးကို အထူးပင်ကျေးဇူးတင်ရှိပါသည်။

Wednesday, April 6, 2011

ဘယ်လိုလူမျိုးကိုပေါင်းကြမလဲ

မိတ်ဆွေစစ်ကို စံပယ်ပန်းလေးနဲ့တင်စားလိုက်တယ်

လူရယ်လို့ ဖြစ်လာတာနှင့်တစ်ပြိုင်နက် တစ်ယောက်ထဲ နေထိုင်ကြတယ်ဆိုတာ မရှိသလောက်ကို
ရှားပါးလွန်းလှပါတယ်။ အုပ်စုဖွဲ့ပြီး အပေါင်းအသင်းများဖြင့် နေထိုင်တတ်ကြပါသည်။ နောက်ဆုံးအ
ဆင့် မွေးလာကတည်းက အဖော်ဆိုတာ မိခင်တစ်ယောက်တော့ ရှိကြစမြဲပါ.။မွေးမွေးချင်း မိခင်ဆုံး
သွားတယ် ဆိုရင်တောင် အဲဒီကလေးငယ်ကို အရွယ်ရောက်အောင် စောင့်ရှောက်တဲ့ လူတစ်ယော
က်ကတော့ ရှိကို ရှိမှာ အမှန်ပါပဲ...။

ကလေးဘ၀မှာ ကလေးသူငယ်ချင်းတွေ ရှိသလို၊ ကျောင်းတက်ပြန်တော့လည်း ကျောင်းမှာ သူငယ်
ချင်း ဆိုတာ ရှိပြန်ရော။ အရွယ်ရောက်ပြန်တော့လည်း မိတ်ဆွေ  အပေါင်းသင်း အစုံ ရကြပြန်ရော။
စီးပွါးရေးနယ်ပယ်က လူတွေ၊ ကျောင်းက လူတွေ အစုံပါပဲ. ။     အဲလို ပေါင်းတဲ့ နေရာမှာပေါင်းသင့်
တဲ့လူ ရှိသလို၊ မပေါင်းသင့်တဲ့ လူဆိုတာ ရှိတယ်ဗျ...။  အဲလိုမျိုးပေါင်းတဲ့   နေရာမှာ မပေါင်းသင့်တဲ့
လူ လေးမျိုးရှိသလို၊ ပေါင်းသင့်တဲ့လူ    လေးမျိုးရှိတယ်လေ။ အဲလို ပေါင်းသင့် ၊ မပေါင်းသင့်တဲ့ အေ
ကြာင်းကို ဆရာတော်ဦးဗုဓ်က ကဗျာလေးတွေနဲ့ စပ်ဆို ရေးသားခဲ့ပါတယ်...။


 ပေါင်းသင့်တဲ့သူ(၄)မျိုးကိုတော့   မိတ်ဆွေစစ် လို့ ခေါ်ပြီး၊   မပေါင်းသင့်တဲ့သူကိုတော့  မိတ်ဆွေတု
လို့ ခေါ်ပါတယ်။

မိတ်ဆွေစစ်(၄)မျိုး
၁)ဥပကာရ မိတ်ဆွေ
၂)သမာနသုခဒုက္ခ မိတ်ဆွေ
၃)အတ္ထက္ခာယီ မိတ်ဆွေ
၎)အနုကမ္ပက မိတ်ဆွေ ဆိုပြီးပေါ့...

၁)ဥပကာရ မိတ်ဆွေ
-မူးယစ်နေသော မိတ်ဆွေကို စောင့်ရှောက်တတ်ခြင်း
-မူးယစ်မေ့လျော့နေသော မိတ်ဆွေ၏ ပစ္စည်း ဥစ္စာကို စောင့်ရှောက်တတ်ခြင်း
-ကြောက်ရွံ့နေသော မိတ်ဆွေကို အားကိုးရစေခြင်း
-ပြုဖွယ် ကိစ္စဖြစ်ပေါ်လာပါက အကူအညီတောင်းခံသည်ထက် နှစ်ဆ စည်းစိမ် အထောက်အပံ့ကို
ပေးတတ်ခြင်း

အဲဒီမိတ်ဆွေရဲ့ အကြောင်းကို ဆရာတော်ဦးဗုဓ်က ဒီလိုလေး စပ်ဆို ရေးသားခဲ့ပါတယ်..။
“မေ့လျော့စောင့်လှာ၊ ဥစ္စာစောင့်ရှောက်၊ ဘေးရောက်ကိုးကွယ်၊ ပြုဖွယ်ရှိက၊
နှစ်ဆဥစ္စာ ချေးပေးလာသည်၊ လေးဖြာဥပကာရတည်း” တဲ့...။

၂)သမာနသုခဒုက္ခမိတ်ဆွေ
-ထိုမိတ်ဆွေအား လျှို့ဝှက်အပ်သည့် အမှုကိစ္စကို ပြောကြားသင့်၏။
-ထိုမိတ်ဆွေ၏ လျှို့ဝှက်အပ်သည့် အမှုကိစ္စကို လျှို့ဝှက်ထား၏။
-ဘေးရန်ဖြစ်ပေါ်လာလျှင် မစွန့်ပစ်
-ထိုမိတ်ဆွေအတွက် အသက်ကိုပင် စွန့်လွှတ်၏

အဲဒါလေးကိုလည်း ဆရာတော်ဦးဗုဓ်က ရေးသားထားပြန်တယ်လေ...။
“ လျှို့ဝှက်စကား၊ ကြားစတုံလျက်၊ တူလျှို့ဝှက်၍ ၊ ဘေးတွေ့မစွန့်၊
မတွန့်တိုပါ၊ သူ့သို့ညှာလျက် ၊ ကိုယ့်သက်စွန့်မြောက်၊ဤလေးယောက်ကား၊
မျှလောက် ချမ်းသာ ဆင်းရဲတည်း။

၃)အတ္ထက္ခာယီ မိတ်ဆွေ
-မကောင်းမှုမှ တားမြစ်တတ်၏
-ကောင်းမှု၌ သက်ဝင်စေ၏၊ တိုက်တွန်းတတ်၏
-မကြားဖူးသော တရားစကားကို ပြောကြားတတ်၏
-နတ်ပြည်ရောက်ကြောင်း ခရီးစကားကို ပြောကြားတတ်၏

အဲဒါကို ဆရာတော်ဦးဗုဓ်က ဒီလိုလေး ရေးစပ်ထားပြန်တယ်...။
“မကောင်းမြစ်ထာ၊ ကောင်းရာသွင်းထား၊ မကြားစထောင်း၊
အကြောင်းကြာလှာ၊ နတ်ရွာလမ်းပြ ၊ဤလေးစကား၊ မည်ရ အတ္ထက္ခာယီတည်း”။

၎)အနုကမ္ပက မိတ်ဆွေ
-မိတ်ဆွေ၏ ဆုတ်ယုတ်ပျက်စီးခြင်းကို မနှစ်သက်
-မိတ်ဆွေ၏ တိုးတက်ကြီးပွါးခြင်းကို နှစ်သက်၏
-မိတ်ဆွေအား ကဲ့ရဲ့စကား ပြောကြားသူကို တားမြစ်တတ်၏
-မိတ်ဆွေအား ချီးမွမ်းစကား ပြောကြားသူကို ထောက်ခံ ချီးမွှန်းတတ်၏

အဲဒါလေးကို ဆရာတော်ဦးဗုဓ်က ဒီလိုလေး ရေးထားပြန်ပါတယ်...
“ဥစ္စာခမ်းနား၊ မပွားသမြို့၊ မနှစ်လိုညား၊ ပွားကရွှင်မြူး၊ ကျေးဇူးမဲ့ကို၊ ဆိုသော်တားမြစ်၊
ကျေးဇူးဖြစ်ကို၊ ဆိုသော်ချီးမွမ်း၊ သူတို့တမ်းကား၊ မိတ်ကျွမ်း အနုကမ္ပကတည်း”။

ကိုင်း... ဒါလေးကတော့ ပေါင်းအပ်တဲ့ မိတ်ဆွေ (၄)မျိုးရဲ့ အကြောင်းလေးပါ။
သိပြီးသားတွေ ဆိုရင်လည်း တောင်းပန်ပါတယ်ဗျ...
ဆက်ပါဦးမည်.........
ရာဇာ(ကျေးလက်သားလေး)
6.4.2011

4 comments:

အလင်းသစ် said...

တစ်နေ့ကုန်လို့ ငွေတစ်ရာမဝင်ရင်နေပါစေ။။။
မိတ်ဆွေတစ်ယောက်တော့တိုးပါစေလို့ ဆုံးမတာခံရဖူးပါတယ်။။။
မိတ်ဆွေကောင်းတို့ရဲ့လက္ခဏာတွေကိုဗဟုသုတမျှဝေပေးတာကျေးဇူးပါ
ကိုရာဇာရေ။။။လင်းသစ် အားပေးသွားတယ်ဗျာ။။။

ko said...

HI..
အကိုကြီး ရေ ကျေးဇူးပါနော်..
အကိုလဲ မိတ်ဆွေကောင်းတွေ တွေ့ ပါစေလို့ ဆုတောင်းပေးပါတယ်။

angel said...

တစ်နေ့တစ်မျီုး မရိုးရအောင်ပေးတဲ့ ဗဟုသုတ တွေအတွက် ကျေးဇူးပါအကို.. ကောင်းသော နေ့လေးဖြစ်ပါစေ။

yar zar said...

အလင်း၊ အိန်ဂျယ်၊ ကိုဖြိုး အားလုံးကို ကျေးဇူးတင်တယ်နော်..
လာလည်တဲ့ အတွက်ပေါ့...။

Post a Comment